Өнөөдрийн шувуу ажиглах аяллаар МУИС-ийн Биологи, Биотехнологийн сургуулийн оюутнууд болох Г. Чинчулуун (Ой-3), Ө. Аззаяа (Био-2), Э. Заяа (Био-3), Ү. Төвшин (Магистрант) гэсэн 4 хүний бүрэлдэхүүнтэйгээр Санзайн Их бага баяны зуслангийн ой, Сэлбэ голын хөндийгөөр явсан бөгөөд цаг агаар -12 орчим хэмийн хүйтэн, бага зэрэг салхитай, түр зуурын цастай, нарлаг сайхан өдөр байлаа. Бид 2010 оны 12 дугаар сарын 4-ний өглөө 10:00 цагт МУИС-ийн хичээлийн 2-р байрны үүдэнд цугларан Бөмбөгөр лүү алхаж 11:00 цагийн Санзайн автобусанд сууж 12:00 цагийн үед Санзайн эцэс дээр буусан. Санзай, Хандгайт руу автобус 700 төгрөгөөр явдаг юм байна. Их бага баян гэсэн зуслангийн ойд орж шувуудыг ажигласан. 14:00 цагийн үед өвлийн ойд өдрийн ундаа уусан. Ингээд бид Сэлбэ голын хөндий даган алхаж явсаар 20:00 цагт Жигжид зуслангийн уулзвар дээрх нэгэн хүнсний дэлгүүрт аяллаа дуусгалаа.
Өнөөдрийн шувуу ажиглах аяллаар харсан шувууд:
1. Өрнийн тоншголжин, Europian Nuthatch
, Sitta europaea - 1
2. Цагчаа ятгашаазгай, Eurasian Jay,
Garrulus glandarius - 2
3. Хүрэнтолгой хөхбух, Willow Tit,
Parus montanus - >10
4. Хар тогшуурга, Black Woodpecker,
Dryocopus martius -1
5. Хон хэрээ, Raven,
Corvus corax
6. Хар хэрээ, Carrion Crow,
Corvus corone
7. Алаг шаазгай, Black-billed Magpie,
Pica pica
8. Хөмрөг, Bunting,
Emberiza sp. - >10
Бидний аяллыг дэмжиж ажилладаг WCS-Mongolia, Монголын шувуу ажиглагчдын клубт талархаж байгаагаа илэрхийлье.
 |
| 10:00 цагт МУИС-ийн хичээлийн 2-р байрнаас гарч Бөмбөгөрөөс Санзайн автобусанд суухаар явлаа. |
 |
| Г. Чинчулуун, Ө. Аззаяа, Э. Заяа (МУИС-ийн ББС-ийн оюутнууд) |
 |
| Өдрийн 12:00 цагийн үед Санзайн эцэс буюу Их бага баяны зуслангийн ойд энэ удаагийн швуу ажиглах аяллаа хийсэн. |
 |
| Цэвэр агаарын эрх чөлөө |
 |
| Бараан хэрэм |
 |
| Хон хэрээ (Corvus corах) |
 |
| Хууль бусаар мод бэлтгэж яваа хүмүүс олон байлаа. |
 |
| Өвлийн ойд |
 |
| Байгаль өөрөө нөхөн сэргэж байна. |
 |
| Бидний өдрийн унд: Хээрийн цай, ил гал дээр хийсэн хоол |
 |
| Ү. Төвшин (МУИС-ББС Магистрант) |
 |
| Г. Чинчулуун (МУИС-ББС Ой-3) |
 |
| Сэлбэ голын эх |
 |
| Нарс |
 |
| Шувуу ажиглах аялал маань 20:00 цагт Жигжид зуслангийн уулзвар дээрх нэгэн хүнсний дэлгүүрт дууслаа. |
Comments
Post a Comment